Petizione - Salviamo il litorale di Macari - Valeria Cimò
Fonte : Canale Telegram t. me/valeriacimo
Data : 20 Gennaio 2026
Salviamo il litorale di Macari: la regione Sicilia dica no alla trasformazione del gioiello naturalistico in luna park
Macari
Macari è nu' cielu 'ntisu
'nmenzu a ddu' torri guardiani
ca' vittiru scurpiuna
e scarpuna americani.
Na' vota di passa
ci finianu li navi,
appressu a lu caminu
di l'armali rari.
Di destra e manca
idda t'abbrazza,
e sperta t'ammisca
lu duci cu lu' sali,
picchi' chistu è ca' fannu
li' so' ciuma a mari.
Macari è l'amuri
ca ti vagna li pedi,
lu ventu nivuru
ca fa 'nfuddiri i siciliani,
lu focu granni
prima ca' scoppa a mmari.
Macari su' li vicchiareddi
ca' vannu murennu,
ciura n' menzu a' rina
chi ciaranu senza ciarari,
e na' strata longa
pi' farisi benediri.
Macari u' cuttuni
pi'supra a' muntagna,
la grutta vastasa
ca' sempre t'aspetta,
la riti russa,
la ciaca janca.
Macari su' l' isuli
luntani di punenti,
dici ca' ri dda'
arrivaru i primi santi,
e su l' antichi
ca' scrivianu li petri,
e su' puru
i culi a' moddu
e li scarpi 'ncritati.
Macari
ca' si li so' funtani
putissiru parrari,
sapiddu quantu stori
avissiru ri cuntari.
Valeria Cimò